سياسة الخصوصية
آخر تحديث: الجمعة، ١٣ نوفمبر
نسخة أولية لحد ما تتراجع قانونياً قبل التشغيل الرسمي.
بنجمع إيه
اسمك ورقم موبايلك وإيميلك، وتفاصيل طلبك واختياراتك، والعنوان أو مكان التسليم لو حددته، وصور الإيصالات اللي بترفعها، ومكان المندوب وقت التوصيل بس.
بنستخدمها في إيه
عشان ننفذ طلبك ونكلمك ونبعتلك عرض السعر والتحديثات على واتساب والإيميل، ونأكد الدفع، ونحسّن خدماتنا.
مين بيشوفها
الفريق المسؤول عن طلبك بس، والشريك أو المندوب اللي بينفذه بقدر اللي يحتاجه. صور الإيصالات مايشوفهاش غير فريقنا. مابنبيعش بياناتك لحد.
الدفع بالكارت
بيانات الكارت بتتكتب في صفحة Paymob الآمنة، وإحنا مابنشوفهاش ولا بنخزنها.
إحصائيات الزوار
لو فعّلناها، بنستخدم Google Analytics وMeta Pixel عشان نعرف الزوار جايين منين وأنهي إعلان بيوصّل الناس للموقع. الأدوات دي بتستخدم كوكيز، وتقدر تمنعها من إعدادات المتصفح.
المدة وحقوقك
بنحتفظ بالبيانات طول ما حسابك شغال أو على قد ما القانون يطلب. تقدر تطلب نسخة من بياناتك أو تصحيحها من خلال خدمة العملاء.
تقدر تمسح حسابك بنفسك في أي وقت من «حسابي» ← «امسح حسابي» على الموقع أو التطبيق: بيتمسح اسمك وموبايلك وإيميلك وكل بياناتك الشخصية فوراً، والطلبات والفواتير بتفضل من غير اسمك عشان الحسابات.