أسئلة شائعة
أكتر الأسئلة اللي بتوصلنا، وإجاباتها.
إزاي بطلب؟
اختار الخدمة، واختار تفاصيلها خطوة خطوة وإنت شايف السعر التقديري، وابعت الطلب. الفريق المسؤول بيكلمك ويبعتلك عرض السعر النهائي، وبعدها تدفع من صفحة الطلب.
هل لازم أدفع وأنا بطلب؟
لأ. مفيش أي دفع غير بعد ما توصلك عرض السعر وتوافق عليه.
بدفع إزاي؟
إنستاباي، أو تحويل بنكي، أو فودافون كاش، أو كاش عند التنفيذ، أو بالكارت لما يكون متاح. وتقدر تدفع عربون أو المبلغ كله.
أقدر ألغي أو أغيّر المعاد؟
أيوه، من صفحة الطلب نفسها. الإلغاء والاسترجاع حسب سياسة الإلغاء المكتوبة في الموقع.
بتشتغلوا في أنهي مناطق؟
القاهرة الكبرى: القاهرة والجيزة والتجمع وأكتوبر والشيخ زايد. ولو مناسبتك برّه، كلمنا ونشوف.
ليه مفيش موسيقى في الباقات؟
دي من قيم لمّة. بنقدّم الفرحة من غير موسيقى: ديكور، وأكل، وضيافة، وتصوير، وفقرات للأطفال.
أتابع طلبي إزاي؟
من «تتبع طلبك» برقم الطلب ورقم موبايلك، أو من «حسابي» لو سجلت. ولو فيه توصيل بتشوف المندوب على الخريطة.
ممكن أشتغل معاكم أو أعرض عندكم؟
أيوه، من «انضم لينا»: اعرض مركبتك أو عقارك أو نشاطك، أو قدّم على وظيفة.
سؤالك مش موجود؟ تواصل معانا